Հանրագիտարան >> Հայոց ցեղասպանության հանրագիտարան >> Արգայլ Ջորջ Դուգլաս Քեմփբել

 ԱՐԳԱՅԼ (Argyll) ՋՈՐՋ ԴՈՒԳԼԱՍ ՔԵՄՓԲԵԼ (1823-1900), անգլիական քաղաքական ու հասարակական գործիչ, դուքս: ՈՒ.Գլադստոնի կառավարությունում եղել է պետական քարտուղար, 1878-ից` Կանադայի գեներալ-նահանգապետ: 1895-ին հիմնադրել և ցմահ եղել է Շոտլանդա-հայկական  ընկերակցության (որի նպատակն էր ճնշում գործադրել Մեծ Բրիտանիայի կառավարության վրա Հայկական հարցը լուծելու համար,օգնություն կազմակերպել կոտորածներից փրկված արևմտահայերն են) նախագահը: 1894-ի Սասունի ջարդերի կապակցությամբ բողոքի հանրահավաք է կազմակերպել Լոնդոնում: «Արևելյան հարց» (1879), «Փաստագրական և պատմագրական վկայություններ հայ ժողովրդի նկատմամբ գործադրված սարսափների համար Անգլիայի պատասխանատվության» (1896) «Մեր պատասխանատվությունը Թուրքիայի իրադրության համար» (1896) աշխատություններում քննադատել է Մեծ Բրիտանիայի քաղաքականությունը հայկական հարցում, գտել, որ Սան Ստեֆանոյի պայմանագիրը Կիպրոսի կոնվենցիայով (1878) ու Բեռլինի դաշնագրով(1878) փոխարինելը,հայկական գործերից Ռուսաստանի հեռացումը «ազգային ծանր պարտավորություններ են դնում Մեծ Բրիտանիայի վրա»:Արգայլի կարծիքով 19-րդ դարի 90-ական թթ. Հայկական ջարդերն ու կոտորածները Մեծ Բրիտանիայի «եսապաշտ» քաղաքականության հետևանքն էին:

 

  Ա Կիրակոսյան
 
 
Գրականության ցանկ
 

«Հայկական հարց», Երևան, 1996թ.:

The Eastern Question,2v., L., 1879.

Documentery and historical Evidence of England’s Responsibilities for the Horrors inficted  upon the  Armenian people, Manchester, 1896.
 
Our Responsibilities for Turkey ,facts and Memoris of forty years,L,1896.
                                                                                    
 
ՀՀ, ք. Երևան, Ալեք Մանուկյան 1,
ԵՊՀ 2-րդ մասնաշենք, 5-րդ հարկ,
Հեռ.` + 37460 71-00-91
Էլ-փոստ` info@armin.am

Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.armeniansgenocide.am